Феруз Фахриддинов: "Ғалаба қозонишимизга охиригача ишондик"

 Ўйиндан сўнг жамоанинг аъзоларидан бири Феруз Фахриддинов сайтимизга фикрларини билдириб ўтди. 

"Йигитлар рақибни мағлубиятга учратишни уддалашди. Бунинг учун жамоадошларимга раҳмат айтаман. Учрашувда ҳисобда ортда бораётган эдик. Танаффусда кийиниш хонасида бир оила бўлиб иккинчи бўлимни қандай ҳисоб қайд этилишидан қатъий назар муносиб якунлаб қўйиш, охиригача курашишимиз ҳақида гаплашиб олдик. Амалда буни исботлай олдик. Барча ўйинчилар бор кучлари билан максимал даражада ҳаракат қилишди. Ушбу учрашувда бизни фақат ғалаба қониқтирар эди. Дуранг ҳақида ўйлашимиз мумкин эмасди. Ғалаба қозонишимизга бутун жамоа охиригача ишонди. 

Бундан буён энди осон ўйинлар бўлмайди. Ҳар бир тур биз учун финалдек кечади. Чемпионликни қўлга киритиш ўз қўлимизда",- дейди Фахриддинов.

Абдулазиз Искандаров ёзиб олди