"Фенербахче" Туркия чемпионатидан чиқиб кетиши мумкин

Сафарда "Трабзонспор" устидан қозонилган ғалабадан (3:2) кейин мезбон жамоа мухлислари майдонга тушиб кетишди ва ғалабани майдон марказида нишонлаётган меҳмон футболчиларга ташланишди. Клуб футболчилари ва ходимлари қўриқчи ва полициячилар ёрдамида трибуна остига кириб кетишди. Маълум бўлишича, 12 нафар қоида бузар ҳибсга олинган.

"Фенербахче" матбуот хизматининг хабарига кўра, 2 апрель куни директорлар кенгашининг навбатдан ташқари йиғилиши бўлади ва унда юз берган вазият бўйича қарор қабул қилинади, жумладан, клуба турк Суперлигасидан чиқиши мумкин.