“Фенербахче” раҳбари бош мураббийни истеъфога чиқарди
19 июн 2018 00:03
Новости

“Фенербахче” раҳбари бош мураббийни истеъфога чиқарди

Туркиянинг “Фенербахче” клуби бош мураббийи Айкут Кожаман истеъфога чиқарилди.

Бу маълумот “канарейкалар” клубининг расмий сайтида ҳам чоп этилди. Кожаман “Фенербахче”ни 2017 йилнинг июнь ойида бош мураббий сифатида қабул қилиб олганди. Ўшанда у 2 йиллик шартномага имзо чекканди.

Якунланган мавсумда унинг қўл остидаги “Фенербахче” Туркия Суперлигасида “Галатасарой”дан 3 очко кам жамғаргани ҳолда иккинчи ўринни эгаллади. Туркия Кубоги финалида эса кутилмаганда “Оқхисор”га ютқазиб қўйди.

“Фенербахче” Кожаман бош мураббийлигида жами 46 учрашув ўтказиб, шуларнинг 28тасида ғалабага эришди, 11 дуранг ва 7та мағлубият қайд этди.