Феллайни расман Хитой клуби билан шартнома тузди

Маруан Феллайни Гонконг шаҳрига ташриф буюрди ва янги жамоаси "Шандонг Луненг" билан шартнома имзолади. Лекин 31 ёшли футболчи жароҳати сабаб ҳозирча янги жамоасига ёрдам бера олмайди.

Клуб бош мураббий Ли Циаопенг янги ярим ҳимоячи ҳақида шундай деди: "Албатта, биз Феллайнидек тажрибали футболчини ўз сафимизга қўшиб олганимиздан хурсандмиз. Аммо ҳозирча у даволаниши керак ва шундан кейин майдонга тушади. Хитой чемпионати 1 мартдан старт олади, бунгача Феллайни тузаладими-йўқми, бир нарса дея олмайман".

Маруан Феллайни МЮ шарафини беш ярим йил ҳимоя қилиб, бу вақт оралиғида 177та учрашувда майдонга тушди ва 22та гол урди. Феллайни хитойликлар билан бир йилга шартнома тузди. Эндиликда бельгиялик ярим ҳимоячи янги жамоасида италиялик 33 ёшли ҳужумчи Грациано Пелле билан биргаликда тўп тепади.