"Фанат Суперлига". "Бухоро" - "Андижон" 2:4

Ҳар бир ўйинда 4та савол берилади. Ўша жамоалар тўқнашуви ўртасидаги ўйинлардан келиб чиқиб 2та савол, хориж ва Ўзбекистон терма жамоаларига оид 2та савол бўлади.

Қоида: Савол берилганидан кейин энг биринчи қайси жамоа мухлиси жавоб берса ўша жамоага 1 балл ёзилади. Вилоятларда интернет тезлиги пастлиги ёки ўчиб қолишини инобатга олсак иккинчи жавоб ўртасидаги фарқ 1 дақиқани ташкил қилиши мумкин. Яъни масалан "Андижон" мухлиси 17:45да жавоб берса, "Сурхон" мухлисининг 17:46даги жавоби қабул қилинади.

Агар сиз "Бухоро" мухлиси бўлсангиз жавобингиз олдидан 1 рақамини қўйинг. Бордию "Андижон" мухлиси бўлсангиз 2 рақамини қўйинг ва жавобингизни ёзинг.

"Ўйин" соат 18:15да бошланади ва 4та савол шу саҳифада берилади. Жавобларни пастда фикр билдириш бўлимига ёзиш мумкин бўлади.  

1-савол: 2019 йил Бухорода ўтган ўзаро ўйинда қайси футболчи ягона голни урганди? Тўғри жавоб: Беҳруз Шодмонов (Иккала жамоа мухлислари бир дақиқа ичида жавоб беришди)

2-савол: 2019 йил Андижонда ўтган баҳсда қандай натижа қайд этилган? Тўғри жавоб: 2:0 (Темурбек Валиев (Андижон мухлиси) биринчи тўғри жавоб берди

3-савол: 2002 йил Олий лигада ким тўпурар бўлган эди? Тўғри жавоб: Бахтиёр Ҳамидуллаев  (Темурбек Валиев (Андижон мухлиси) биринчи тўғри жавоб берди

4-савол: 2004 йил ЕЧЛ финалида гол урган россиялик футболчи ким?  Тўғри жавоб: Дмитрий Аленичев. (Иккала жамоа мухлислари бир дақиқа ичида жавоб беришди)

Ўйин тугади: "Бухоро" - "Андижон" 2:4