Европа Чемпионлар Лигаси. Бугунги ўйинлар анонси. Фактлар

"Брюгге" - "Манчестер Юнайтед" (дастлабки ўйин - 1:3)

Депайнинг дубли ва Феллайнининг голи "Олд Траффорд"даги ўйинда манчестерликларга ғалаба келтирганди.

"Брюгге" эса еврокубокларда ўз майдонида 10 та ўйиндан бери мағлубият нималигини билмайди. МЮ эса Европа майдонларида сафардаги сўнгги иккита ўйинда иккита гол фарқи билан мағлубиятга учрамоқда.

"Байер" - "Лацио" (0:1)

Биринчи ўйин тақдирини Кейта киритган ягона гол ҳал қилганди. Ўша ўйин "Лацио" учун ЕЧЛ плей-оффларидаги илк ўйин бўлганди.

Римликларга ушбу ўйинда дарвозабон Федерико Маркетти, шунингдек, клозе, Билья ва Жоржевич каби футболчилар ёрдам бера олмайдилар.



ЦСКА - "Спортинг" (1:2)

ЦСКА ЕЧЛнинг ўз майдонидаги олтита ўйинидан бери ғалаба нималигини билмаяпти. Португалияликларга эса бугун Жефферсон ёрдам бера олмайди.

"Партизан" - БАТЭ (0:1)

Гордейчукнинг ўтган ўйиндаги 75-дақиқада киритган голи белорусларга ғалабани тақдим этганди. "Партизан" ярим ҳимоячиси Марко Евтович ўтган ўйинда қизил карточка олган ва бугунги ўйинни ўтказиб юборади.



АПОЕЛ - "Астана" (0:1)

АПОЭЛ ўз майдонидаги еврокубок ўйинларида бешта ўйиндан бери ғалаба қозона олмаяпти.
Бауржан Жолчиевнинг ўтган ўйинда киритган голи остоналикларнинг имкониятларини бироз оширди. Бунгача ҳеч қайси қозоқ жамоаси ЕЧЛ гуруҳ босқичида иштирок этмаган. Бугунги ўйинда қўшниларимизга омад тилаб қоламиз.

УЕФА расмий сайти асосида Азиз Тўхтамуродов тайёрлади