“Эвертон” Хитойдан мураббий топди

“Эвертон” бош мураббийлиги учун асосий даъвогар сифатида португалиялик мутахассис Витор Перейра кўрилмоқда. Ушбу мураббий “Бенфика” ва “Олимпиакос”да фаолият олиб борган. Шундан сўнг Хитойнинг “Шанхай СИПГ” клубига ишга ўтган.

У айни дамда дунёнинг энг кўп маош оладиган мутахассисларидан. Перейранинг маоши йилига 30 млн еврони ташкил қилади.

Қайд этиш жоиз, Перейра 2013 йилда ҳам “Эвертон” бош мураббийлигига номзод сифатида кўрилган. Бироқ у ўшанда Саудия Арабистонидан тушган таклифни қабул қилган.