“Эвертон” клуби “МЮ”нинг Феллайни ва Бейнс борасида қилган 28 млн фунтлик таклифини рад этди

“Эвертон”нинг собиқ бош мураббийи Дэвид Мойес иккала футболчи учун 28 млн. фунт таклиф этган.

“МЮ” белгиялик ярим ҳимоячи учун 16 млн фунт ва Англия терма жамоаси ҳимоячиси учун эса 12 млн фунт беришга тайёр эди.

“Эвертон” эса ўз навбатида ўз етакчиларини қўйиб юбормоқчи эмас ва уларни ўзида сақлаб қолишга қатъий қарор қилган.

Англия премьер-лигаси биринчи турида, иккала футболчи ҳам “Норвич”га қарши ўйинда (2:2) асосий таркибда майдонга тушган ва ўйинни тўлиқ ўтказишган.