Эшитдик-да! "Металлург" сербиялик ҳимоячини ўз сафига қўшиб олиш арафасида

Янги мавсумга тайёргарликни бошлаётган "Металлург" таркибини легионер ҳимоячи билан кучайтиришни режалаштирган. Championat.asia маълумотига кўра, ўтган мавсумни "Қўқон-1912"да ўтказган сербиялик ҳимоячи Иван Йосович бекободликлар сафига қўшилишга яқин турибди. 

Аввалроқ футболчини қўлга киритишда "Турон" фаворит бўлиб турганди. Бироқ икки томон ўзаро келиша олишмаган кўринади. 

Иван Йосович "шунқорлар" таркибига 2020 йилнинг январида қўшилган эди. У "Қўқон-1912" учун 73 та расмий ўйинда майдонга чиқиб, ўз номига 9 та гол (+ 4 та ассист)ни ёздириб қўйди. Ўтган мавсум якунлангач эркин агентга айланган эди.