Эшитдик-да! Иброҳим Ибрагимов учун "Пахтакор" ва "Сўғдиёна" жиддий курашмоқда
11 дек 2023 16:34
Новости

Эшитдик-да! Иброҳим Ибрагимов учун "Пахтакор" ва "Сўғдиёна" жиддий курашмоқда

Мамлакатимизда Суперлига мавсуми ўз ниҳоясига етди ва жамоалар кейинги мавсум учун таркибни шакллантириш жараёнини бошлаб юборишган.

"Championat.asia" олган маълумотга кўра, ўтган мавсумнинг 2-даврасини "Олимпик"да ўтказган ярим ҳимоячи Иброҳим Ибрагимовга Суперлиганинг бирданига 4 клуби қизиқиш билдирмоқда. Булар: "Бунёдкор", "Пахтакор", "Сўғдиёна" ва "Нефтчи". Юқоридаги клуб вакиллари аллақачон футболчи билан алоқага чиқишган ва музокаралар давом этмоқда.

Иброҳим Ибрагимовнинг трансфер ҳуқуқи Бекободнинг "Металлург" клубига тегишли. Томонлар ўртасидаги келишув 2024 йилнинг 31 декабрида ниҳоясига етади. Бу дегани 22 ёшли футболчини ўз сафига қўшиб олмоқчи бўлган клуб уни "Металлург"дан сотиб олишига тўғри келади. Айни пайтда Ибрагимов учун курашда "Пахтакор" ва "Сўғдиёна" фаворит бўлиб турибди. Айнан шу икки клуб унинг трансфер ҳуқуқини сотиб олишга тайёр. Демак, Ибрагимов янги мавсумни катта эҳтимол билан "шерлар" ёки "бўрилар" таркибида бошлайди.

Эслатиб ўтамиз, 22 ёшли Ибрагимов ортда қолган мавсум "Металлург" ва "Олимпик" таркибида Суперлига ва Ўзбекистон кубогида жами 24 та ўйинда майдонга тушди ва 4та гол урди.

Ссылка :

Источник : Championat.asia

Получайте новости прямо в Telegram!

Рейтинг: +10