Эшитдик-да! Амет Мемет собиқ жамоасига қайтмоқда

Мухлисларга Амет Абдуллаевични ортиқча таништириб ўтишнинг ҳожати бўлмаса керак. Боиси "Навбаҳор", "Машъал", "Бунёдкор", "Андижон", "Нефтчи" каби жамоалардаги фаолияти орқали кўпчиликка яхши таниш бўлиб улгурган мураббийдир. Мемет сўнгги пайтларда ишсиз юрганди. Шу боис унга "Бунёдкор"дан таклиф бўлди. Хабарингиз бор, қалдирғочлар мураббийлар штабида сезиларли йўқотишлар юз берди. Александр Волков терма жамоада фаолият юритадиган бўлди.

Александр Мочинов ва Анатолий Курлаев эса "Бухоро"дан тушган таклифни қабул қилди. Ёрдамчи мураббийлардан Муҳиддин Ортиқов ва Абдусаттор Раҳимов қолганди холос. Шу боис бош мураббий Сергей Лушан ўз ёнига тажрибали Амет Меметни олишни маъқул топди. Аслида Амет Абдуллаевич учун "Бунёдкор" бегона эмас. Чунки у илгари ҳам ушбу клубда ишлаган ва етарли тушунчага эга.