Эшитдик-да! Алишер Одилов легионерга айланиш арафасида, йўналиш БААдан Европа томонга қараб ўзгарди

Шу кунларда у "Олимпик" билан машғулотларда иштирок этиб турган эди. Футболчининг вакиллари Ҳожимат Эркинов тўп тепадиган БААнинг "Ал Ваҳда" клуби билан фаол тарзда музокаралар олиб боришаётганди. Аммо, охирги паллада вазият умуман бошқа тарафга ўзгариб кетди.

"Championat.asia" сайти футболчининг ўзи билан боғланди. Демак, Одилов бир неча соатдан сўнг Россияга учиб кетади. Эртага ёки индинга тиббий кўрикдан ўтади ва ҳаммаси жойида бўлса "Химки" жамоаси билан шартнома имзолайди. 23 ёшли форвард фаолиятини Россияда давом эттиришга жуда яқин.

Эслатиб ўтамиз, "Химки" жорий мавсум Россия чемпионатида 5 ўйиндан кейин 5 очко билан турнир жадвалининг 10-поғонасида бормоқда.

Алишер Одилов жорий мавсум Суперлигада 12та ўйин ўтказди ва 3та гол уриб, 1та ассист берди.