Эртага U-20 Жаҳон чемпионати старт олади. Мундиал ҳақида батафсил

Мусобақа 23 май куни бошланиб 15 июнь куни тугайди.

Унда дунёнинг энг кучли 24та терма жамоаси иштирок этади. Мусобақалар Польшанинг олтита шаҳридаги олтита стадионда бўлиб ўтади.

Шаҳарлар ва стадионлар
Бельско-Бяла - "Муниципаль" стадиони
Бидгошч - "Здзислав Кшишковяк номидаги" стадион
Гдиня - "Шаҳар" стадиони
Люблин - "Арена Люблин" стадиони
Лодзь - "Видзев" стадиони
Тихи - "Шаҳар" стадиони

Осиё қитъасидан ушбу Жаҳон чемпионатида Қатар, Япония, Жанубий Корея ва Саудия Арабистони иштирок этади. Ўзбекистон сўнгги бор 2015 йилги U-20 Жаҳон чемпионатида иштирок этган эди.

Эътиборлиси амалдаги чемпион Англия ва вице-чемпион Венесуэла бу йилги мусобақага чиқа олмаган. Бу мундиалда чемпион бўлиш бўйича рекордчи Аргентина ҳисобланади. Ушбу мамлакат терма жамоаси олти марта U-20 тоифасида чемпион бўлган.

Гуруҳлар
"А" гуруҳи - Польша, Колумбия, Таити, Сенегал
"B" гуруҳи - Мексика, Италия, Япония, Эквадор
"C" гуруҳи - Гондурас, Янги Зеландия, Уругвай, Норвегия
"D" гуруҳи - Қатар, Нигерия, Украина, АҚШ
"E" гуруҳи - Панама, Мали, Франция, Саудия Арабистони
"F" гуруҳи - Португалия, Жанубий Корея, Аргентина, ЖАР

Жаҳон чемпионатида осиёлик уч нафар бош ҳакам ишлайди. Булар: Аҳмад Ал Каф (Уммон), Муҳаммад Тақи (Сингапур) ва Адҳам Макҳадмеҳ (Иордания). Ўзбекистонлик Ильгиз Танташев эса захира ҳаками сифатида Польшага боради.

Ушбу мундиалда 1999 йил 1 январь ва ундан кейин туғилган футболчилар иштирок этишади.

U-20 мундиалда ўйнайдиган машҳур футболчилар:
Андрей Лунин (Украина, "Леганес")
Тимоти Веа (АҚШ, ПСЖ)
Албан Лафонт (Франция, "Фиорентина")
Дан Загаду (Франция, "Боруссия Д")
Диого Далот (Португалия, "Манчестер Юнайтед")

Сайтимиз орқали ушбу Жаҳон чемпионатини кузатиб боринг.