Эртага Самвел Бабаян билан биринчи матбуот анжумани бўлиб ўтади
08 июл 2015 16:37
Новости

Эртага Самвел Бабаян билан биринчи матбуот анжумани бўлиб ўтади

Теги : Бабаян

9 июль куни соат 12:00 да Ўзбекистон Футбол Федерациясининг анжуманлар залида Ўзбекистон миллий терма жамоасининг янги бош мураббийи Самвел Бабаян билан биринчи матбуот анжумани бўлиб ўтади.

Тадбирда ЎФФ ва ПФЛда аккредитациядан ўтган ОАВ вакиллари иштирок этади.

Самвел Бабаян бошчилигидаги Ўзбекистон терма жамоаси 19-26 июль кунлари Тошкентда биринчи ўқув-машғулот йиғинларини ўтказади. Бош мураббий терма жамоанинг ички ресурсларини кўздан кечириш мақсадида, йиғинга Ўзбекистон чемпионатида ўйнайдиган 24 нафар футболчини таклиф этган.

Самвел Бабаяннинг бош мураббий сифатидаги илк расмий учрашуви, ҳозирча, 3 сентябрь куни Тошкентда Яманга қарши ўйин бўлиши кутилмоқда.

Ўзбекистон терма жамоаси Жаҳон ва Осиё чемпионати саралаш баҳсларини 16 июнда Шимолий Кореяга қарши 2:4 ҳисобидаги мағлубият билан бошлаган. Бугунги кун ҳолатига қадар H саралаш гуруҳида 2 та ўйинда 6 очко жамғарган Шимолий Корея ва Филиппин терма жамоалари пешқадамлик қилиб туришибди.

Ссылка :

Источник : the-uff.com

Получайте новости прямо в Telegram!

Рейтинг: