Эронлик мухлис умрбод стадионга киришдан маҳрум қилинди

У пичоқ билан ҳамла қилаётган пайт "Озоди" стадионидаги камералар кузатувига тушиб қолган. Унинг ўнг қўлида катта пичоқ бўлган. Стадион хавфсизлиги вакиллари безори мухлисни дарров қўлга олиб қамаб қўйишди. Кейинчалик полиция Масжед Сулаймонни умрбод стадионга киритмаслик ҳақида қарор чиқарди.

Бу каби ҳолат Эронда биринчи марта рўй бераётгани йўқ. Масалан, ўтган ҳафта "Истиқлол" Хузистон мухлислари Теҳрондан ташриф буюрган "Персеполис" ишқибозларига тош отишганди. Натижада ўйинда бир неча бор тўхталишлар рўй берди. Бундан ташқари, "Тракторсози" - "Истиқлол" Теҳрон учрашувида мухлислар ўриндиқларни синдириб ташлашди.

Айни пайтда кўплаб мураббий ва футболчилар мухлисларни тартибга келтириш мақсадида Эрон футбол федерациясига мурожаат қилишган.