Эрматов ва Коваленко 5 март куни ОК-2015 саралашида ишлашади

Икки ўйинни ўзбекистонлик ҳакамлар бошчилигидаги бригада бошқариб боради.

ЖЧ-2014га борадиган ҳакамлар рўйхатига киритилган Равшан Эрматов бригадаси Аммандаги Иордания - Сурия учрашувида фаолият олиб боради. Валентин Коваленко бошчилигидаги ҳакамларимиз Яман - Малайзия баҳсини бошқариб боришади.

Таъкидлаш лозимики, 7 март куни Тошкентда Ўзбекистон суперкубоги учун ўйин бўлиб ўтади. "Локомотив" ва "Бунёдкор" ўртасидаги учрашувни Равшан Эрматов бошқариб боради.


Иордания - Сурия
5 март 2014. Амман. "Халқаро" стадиони.
Бош ҳакам: Равшан Эрматов (Ўзбекистон)
Қанот ҳакамлари: Абдулҳамидилло Расулов (Ўзбекистон), Баҳодир Қўчқоров (Қирғизистон)
Захира ҳаками: Владислав Цейтлин (Ўзбекистон)


Яман - Малайзия
5 март 2014. Ал Айн. "Таҳнун бин Муҳаммад" стадион.
Бош ҳакам: Валентин Коваленко (Ўзбекистон)
Қанот ҳакамлари: Рафаэль Илёсов, Жаҳонгир Саидов (Ўзбекистон)
Захира ҳаками: Ильгиз Танташев (Ўзбекистон)