Эркин Бойдуллаев: “Фарғонага ғалаба учун келгандик”

Учрашувда қаршиликларни сардор сифатида майдонга бошлаб тушган ярим ҳимоячи Эркин Бойдуллаев ўйин ҳақида шундай дейди:

-Биз Фарғонага фақат ғалаба учун келгандик. Албатта йирик ғалабага эришишимизни кўпчилик қатори мен ҳам кутмагандим. Лекин бу “Нефтчи”ни кучсизлигини англатмайди. Фарғоналиклар ҳам тўпни яхши назорат қилишди. Умуман жамоанинг ўйини аввалгиларга қараганда яхши томонга ўзгарган. Фақат биз вазиятлардан унумли фойдаландик ва рақибга имкон бермасликка уриндик.

-Учрашувда жарима тўпидан сўнг дарвозани ишғол этдингиз. Одатда сиз жарима тўпларни жуда кам тепасиз...

-Мураббийимиз ўйиндан олдин ким ўзига ишонса, тепсин деганди. Ўша вазиятда меҳмонлар жарима майдончаси яқинида қоида бузилгач, жарима тўпини ўзим тепишга қарор қилдим. Зарба кутилганидан ҳам яхши чиқиб, тўп дарвоза тўпидан жой олди, - дейди Бойдуллаев.