EPL Manager: 17-тур шарҳи

АПЛнинг 17-тур баҳсларини "Кристал Пэлас" - "Челси" ўйини очиб берди. Антонио Конте шогирдлари бу баҳсда ҳам кичик ҳисобда ғалабага эришиб, омадли серияни давом эттиришди. "Аристократлар"нинг ягона голи 44-дақиқада Диего Коста томонидан киритилди.

"Мидлсбро" бу турда "Суонси"ни қабул қилди ва меҳмонни голлар билан "сийлади". Альваро Негредо (дубль) ва Мертен Де Рун урган голларга "оққушлар" жавоб бера олишмади.

"Сток Сити" ўтган турда "Борнмут"дан мағлуб бўлган "Лестер Сити"га қарши ўйнади. 28-дақиқада ҳакам қўполлик учун Жейми Вардига тўғридан-тўғри қизил карточка кўрсатди. Бу устунлик билан "Сток Сити" бўлим охиригача 2 та гол урди (Кркич, Аллен). Иккинчи бўлимда "тулкилар" ўзига кела бошлади. Аввалига Леонардо Уллоа ҳисобни қисқартирди, баҳс асосий вақти якунланишига 2 дақиқа қолганида Амарти гол уриб, ўз жамоаси 1 очко совға қилди.

Аввалги турда "Челси"га муносиб қаршилик кўрсатиб, аммо 0:1 ҳисобида мағлуб бўлган "Сандерленд" "Уотфорд"ни қабул қилди. Баҳсдаги ягона голга "қора мушуклар" ҳимоячиси Патрик ван Анхольт муаллифлик қилди. Eplmanagerда ушбу футболчини олган баъзи фойдаланувчилар 13 очко ишлашди.

Кетма-кет иккинчи учрашувда 1:0 ҳисобида ғалабага эришди. Бу сафар "болғаурарлар"дан "Халл Сити" жабр кўришди. Марк Ноблнинг пенальтиси "Вест Хэм"га 3 очко тақдим этди.

"Манчестер Юнайтед" аста-секин ўзига келмоқда. Жозе Моуриньо шогирдлари 17-турда "Вест Бромвич" меҳмони бўлишди ва рақиб дарвозасига 2 та гол уришди. Златан Ибрагимович 2 та гол ва сариқ карточка билан EPLMANAGER фойдаланувчиларига 9 очко ишлаб берди. Давид де Хеа эса ўз дарвозасини "қуруқ" сақлади.

Елкасидан жароҳат олган Чарли Остинсиз қолган "Саутгемптон" "Борнмут" меҳмони бўлди. "Авлиёлар" сафида Остинга муносиб ўринбосар топилди. Жей Родригес ушбу баҳсда 2 та гол уриб, "Саутгемптон"нинг ғалабасини таъминлади. Натан Аке ва Райан Бертранларнинг голи билан баҳс 1:3 ҳисобида "Борнмут"нинг мағлубият билан якунланди.

"Манчестер Сити" бу турда "Арсенал"ни қабул қилди. Тезкор гол "тўпчилар" ҳужумчиси Тео Уолкотт томонидан киритилди. Хосеп Гвардиола танаффусда ўз шогирдларига керакли сўзларни топа олди. Лерой Сане ва Рахим Стерлинг урган голлар "шаҳарликлар" иродали ғалабага эришишини таъминлади.

"Тоттенхэм" "Бёрнли"га қарши баҳсда биринчи бўлиб гол ўтказиб юборди. Эшли Барнснинг голидан 5 дақиқа ўтиб Деле Алли жавоб қайтарди. Дэнни Роуз иккинчи бўлимда гол урди ва ўйин 2:1 ҳисобида "шпорлар"нинг ғалабаси билан якунланди.

Душанба куни тунда АПЛ 17-турининг сўнгги баҳси бўлиб ўтди. Мерсисайд дербисига бу сафар "Эвертон" мезбонлик қилди. Учрашув асосий вақтида гол киритилгани йўқ. Садио Мане қўшиб берилган дақиқаларда гол уриб, жамоаси АПЛ турнир жадвалида 2-ўринга чиқиб олишига ёрдам берди.

"EPLMANAGER"нинг бу турида индонезиялик "Serongga FC" 92 очко тўплаб, энг кўп очко тўплаган жамоа эгасига айланди.

Турнинг энг яхши футболчилари:

17-турда супер-сардор сифатида энг кўп танланган футболчилар:

1. Diego Costa
2. Harry Kane
3. Alexis Sánchez
4. Christian Eriksen
5. Zlatan Ibrahimovic
6. Eden Hazard
7. David de Gea
8. Sadio Mané
9. Adam Lallana
10. Thibaut Courtois

Eplmanager: Янги совринли лигалар ишга тушди