Элдор Тожибоев: "Энг яхшилар қаторидан ўрин олганимдан хурсандман"
08 авг 2014 14:50
Новости

Элдор Тожибоев: "Энг яхшилар қаторидан ўрин олганимдан хурсандман"

Биринчи лига иштирокчиси "Шўртан" учун жорий мавсум омадли кечмоқда. Бунда дарвозабон Элдор Тожибоевнинг ҳам ҳиссаси катта десак муболаға бўлмайди.

Маҳоратли посбон биринчи лигада ўзини кўрсатишга эришмоқда. Шу боис Тожибоевнинг ҳам журналистлар ўртасида ўтказилган июнь ва июль ойининг энг яхши ўйинчиларини аниқлаш сўровномада номи зикр этилди. Шу муносабат у билан шу ҳақда қисқача суҳбатлашдик.

- Албатта, олий лигадаги футболчилари қатори бизни ҳам "Энг яхши ўйинчилар" қаторига киритишгани учун хурсандман. Шу боис аввало журналистларга эътибор учун миннатдорчилик билдириб қоламан. Ҳақиқатдан ҳам ортда қолган июнь ва июль ойи мен ва жамоам учун омадли ўтди. Сўровномадаги кучли бешликка киришимда жамоадош дўстларимнинг ҳам ёрдами бор деб биламан. Айнан уларнинг қўллаб-қувватлаши ва мураббийларимизнинг ишончи туфайли ўз дарвозамдан кам гол ўтказиб юбормоқдаман. Насиб қилса келгусида ҳам ўзимни янада ижобий томондан кўрсатишга ҳаракат қиламан", - дейди 28 ёшли Элдор Тожибоев.

Ссылка :

Источник : championat.asia

Получайте новости прямо в Telegram!

Рейтинг: