RU

Последние новости

15:36Чемпионлик учун кураш. "Арсенал" - "Борнмут" баҳси учун асосий таркиблар эълон қилинди  0 15:24Суперлиганинг 6-турини ўтказиб юборадиган футболчилар  1 15:19АПЛда "Олтин қўлқоп" кимга насиб этиши маълум бўлди  1 14:43"Бавария" Эрик тен Хаг номзодини кўриб чиқяпти  5 14:14Кассано: "Аллегрини матбуотда 4-5 нафар дўсти бор, улар мураббий айтганини ёзади"  0 13:42Ҳеч нарса қилмаган одам хатога йўл қўймайди  12 13:21Ройсга МЛС клублари қизиқиш билдирмоқда, аммо...  3 13:13U-23 Осиё Кубоги. Финалдан кейинги кадрлар ва тақдирлаш маросими ГАЛЕРЕЯ  13 12:51"Реал" бугун чемпион бўлиши мумкин, агар...  0 12:02Тарихий натижага эришган Ўзбекистон U-23 терма жамоаси Тошкентда тантанали тарзда кутиб олинди   24 11:46Неъматулло Қутибоев: "Таркибида Ўзбекистон миллий терма жамоасида ўйнаган футболчилари бор бўлган "Бухоро"га муносиб қаршилик қилдик"  1 11:38Улуғбек Бакаев: "Арал" билан баҳсдаги дуранг адолатли натижа"  3 11:34Кеча Ўзбекистон олимпия терма жамоасига ғалаба учун нима етишмади? Николай Егоричевнинг фикрлари  15 11:11Руслан Аҳмедов: "Вилоят ҳокими 2024 йилда "Хоразм" клубига база қуриб беришга ваъда берган"  5 10:55Асрор Алиқулов: "Машъал" гол ўтказмаганига битта сабаб бор"  1

Дуван Сапата ҳақида сиз билмаган қизиқарли фактлар Новости

Дуван Сапата ҳақида сиз билмаган қизиқарли фактлар

"Аталанта"нинг колумбиялик юлдузи ҳаёти ва ижодига оид маълумотларни эътиборингизга тақдим этамиз.

1. Дуван Сапата футболга илк бор 10 ёшида қадам қўйган. Ўшанда у Колумбиянинг "Америка де Кали" жамоаси билан шартнома имзолаган эди.

2. Колумбиялик 2011 йил Аргентинанинг "Эстудьянтес" клубига ижарага берилади. У ўша ердаги дебют ўйинида майдонга тушганидан 20 секунд ўтиб, биринчи голини урган. Мавсум сўнгигача эса 5та гол уришга муваффақ бўлган. Шундан кейин, Аргентина клуби Сапатани харид қилади. Бироқ 2 йил ўтиб, уни 7,5 миллион евро эвазига “Наполи”га сотиб юборади.

3. Ёш бўлиши ва Италия Чемпионатини ҳали яхши билмаслигига қарамай, Дуван "Наполи"даги биринчи мавсумда 22 ўйинда иштирок этиб, 7та гол уришга муваффақ бўлган. У Чемпионлар Лигаси "Марсель"га қарши баҳсда "партенопейцлар" таркибидаги дебют голини урган.

4. Ўзини яхши кўрсата олаётгани, майдонда ажойиб ҳаракатланаётганига қарамай, "Наполи" раҳбарияти уни 2 йилга "Удинезе"га ижарага бериб юборади. Сапата фриульцликлар таркибида баъзида яхши, баъзида эса ёмон ўйнади. У икки мавсум давомида 18 марта рақиблар дарвозасини ишғол этди. Аммо бир куни "Удинезе" мураббийи Луижжи Дельнери ўйинчининг машғулотлардаги ҳаракатларига назар солиб, уни "бесўнақай" деб атайди. Колумбиялик бу ҳақида журналистлардан эшитди, бироқ мураббий нима учун бундай деганини тушунмади. Бир неча кундан сўнг нега ундай деганини аниқлаштириб, шундай деб жавоб берди: "Бесўнақай?! Тўғри, мен Мессидек буюк ўйинчи эмасман. Аммо имкониятларимни юқори баҳолайман, мен ҳам кўп нарсага қодирман”.

5. Ижара муддати тугаганидан сўнг, колумбиялик Неаполга қайтди. Ўша вақт унинг фаолиятидаги энг қийин давр бўлди: "Неаполда ўтган икки ой мен учун жуда қийин кечди. Жамоа билан бирга шуғулланишга менга руҳсат беришмасди. Шунинг учун, ёлғиз ўзим шуғулланардим. Ҳаттоки, мени кўришни ҳам исташмасди. Бироқ клуб президенти А Серия клублари мени харид қилиши борасида менга жуда юқори нарх белгилаб қўйди. Бахтимга, "Сампдория" неаполликлар билан келиша олди. Шундан сўнг, мен Генуя томон йўл олдим". Сапата янги клубда ўзини қайтадан кашф этди. 2017/18 йилги мавсумда 11та гол урди. "Мен Генуяда чиройли ўйинлар кўрсата олдим. Ўзимга бўлган ишончим ҳам ортди. Бунинг учун мураббий Жампаолодан миннатдорман”.

6. Аммо Дуван у ерда ҳам узоқ қолмади — 2018 йил ёзда "Аталанта" кучли марказий ҳужумчини Бергамога олиб келиш учун қўлидан келган барча ишни қилди. Сапатанинг трансфер суммаси клуб тарихидаги рекорд натижа бўлди: 2 йиллик ижара ҳақи 12 миллион евро. Бундан ташқари, бергамоликлар 2020 йилда "Сампдория" ҳисобига яна 14 миллион евро ўтказиб беришлари керак. Икки клуб ўртасидаги шартномада белгиланган турли бонуслар билан биргаликда умумий сумма 30 миллион еврони ташкил қилади.

7. Туриннинг "Ювентус" клубини мағлубиятга учратиб, Сапата "Аталанта" тарихидаги рекорд натижани қайд этди: унга қадар ҳеч ким кетма-кет 9 ўйинда гол урмаган эди.

8. Дуван Сапата доим карьерасини биринчи ўринга қўйган. Масалан, у севгилиси Норага 12 январь куни уйланган. Нега айнан қишда деб ҳайрон бўлаётгандирсиз?! Сабаби, футболчи тўй туфайли битта ҳам баҳсни ўтказиб юборишни истамаган. Шунинг учун, қишки таътил уйланиш учун энг қулай фурсат деб ҳисоблаган.

9. Кўпчилик "Милан" ҳимоячиси Кристиан Сапата билан Дуван Сапатани адаштиради. Баъзилар шунчаки фамилияси бир хил дейди. Тасодифлар тасодифан бўлмайди деганларидек, улар ака-укадек бир-бирига ўхшайди. Сиз-чи нима деб ўйлайсиз, улар ўхшашми?!


Нозима Зарипова таржимаси

Рейтинг: +13   

Комментарии

championat.asia
< посмотреть последние новости
Яндекс.Метрика