Диёр Xолматов: "Ҳиссиётларимни тасвирлаб бериш иложсиз. Отамга ўхшаган футболчи бўлишга интиламан"

Бугун учрашув ҳақидаги фикрларингиз?

Бутун ўзбек халқини ғалаба билан табриклайман. Бугунги ҳиссиётларини тасвирлаб бериш иложсиз. Бундай вазиятларни фақатгина яшаб ўтиш керак. Ҳаётимда биринчи бор бундай эмоционал ҳолатдаман. Биз Олимпиадага йўл олдик. Тасаввур қилинг олимпиада. Яна битта учрашувимиз, кейинги баҳсда ғалаба қозониб, чемпион бўлишни истаймиз.

Ёш бўлишингизга қарамай, миллий терма жамоа ва бугун олимпия терма жамоамиз катта натижаларга эришдингиз. Қўлга киритилган совринлар бўйича отангиз Акмал Xолматовдан яхшироқ натижа қайд этмоқдасизми?

Бунга саволга жавобни дадамдан сўрашингиз керак(кулади). Отам каби номга эга бўлиш учун ҳали кўп йиллар давомида меҳнат қилишим керак. Менга ҳали бор деб ўйлайман. Ҳар доим айтадиган гапим, мен отамга ўхшаган футболчи бўлишни истайман ва шунга интиламан. Ўйиндан сўнг, ота онам билан суҳбатлашдим. Уларнинг хурсандчилиги мени янада қувонтирди.