"Динамо"нинг ғалабали серияси 20 ўйинга етди

Кетма-кет учинчи учрашувни мезбонликда ўтказган кўҳна шаҳарлик футболчилар «Зомин», «Машъал-2»дан сўнг энди «Насаф-2» жамоасини мағлуб этишга эришдилар.

Ўйин тўлиқ майдон эгаларининг устунлиги остида ўтган бўлсада, учрашувдаги ҳисоб бўлим якунига келиб очилди. 41-дақиқада Жонибек Кўчимов рақиб ҳимоясидаги пала-партишликдан фойдаланиб, мухлисларни қувонтирди, 1:0.

Иккинчи бўлимда ҳам ўйин тизгини мезбонларда бўлди. Баҳснинг 63-дақиқасида Алишер Холиқовга нисбатан ишлатилган қўполликдан кейин бош ҳакам 11 метрлик нуқтани кўрсатди. Тўпга яқинлашган Омаджон Тайлоқов, бу сафар ҳам нишонда адашмади, 2:0.

Ушбу ғалабадан кейин «Динамо» жамоасининг ғалабали серияси 20 та баҳсга етди. Самарқанд жамоаси турнир жадвалидаги пешқадамликни ўзида сақлаб, бош мақсади Олий Лигага қайтиш учун яна бир муҳим қадамни ташлади.

«Динамо» кейинги икки турда 4 ва 7 октябрь кунлари Тошкентда «НБУ-Осиё» ва «Пахтакор-2» жамоалари меҳмони бўлади.

Биринчи Лига. 29-тур.

25 сентябрь (якшанба)

«ДИНАМО» - «НАСАФ-2» - 2:0

Самарқанд, 1552 томошабин.

Ҳакамлар: Р. Лутфулин (Тошкент) – 8,2, Х. Баҳодиров (Тошкент) – 8,0, Д. Клепиков (Тошкент) – 8,3, С. Ҳокимов - 9

Назоратчи: Т. Абдуллаев (Ташкент).

Голлар: Жонибек Кўчимов (41), Омаджон Тайлоқов (63, пенальти).

«Динамо»: Михаил Наумов, Алексей Николаев (Ҳакимхон Аъламхонов, 85), Бунёд Исроилов, Миркомил Локаев, Акмал Бозоров, Комил Шарофутдинов (Лазиз Нуриддинов, 66), Омаджон Тайлоқов, Жонибек Кўчимов, Фирдавс Абдусалимов (Ислом Шарипов, 36), Виктор Клишин (Алишер Холиқов, 46), Амиржон Сафаров (Асомиддин Маматов, 63)

«Насаф-2»: Жавоҳир Комилов, Шамсиддин Саъдуллаев, Сирож Еттибоев, Ғолиб Ғайбуллаев, Достон Бердиқулов, Жавоҳир Ашуров, Дилшод Саидов, Наврўз Иззатуллаев, Шохруҳ Сафаров, Шерзод Насруллаев, Самандар Шукуруллаев.

Огоҳлантиришлар: А. Бозоров (48) – Г. Ғайбуллаев (41), Д. Бердиқулов (41), С. Шукурулаев (41), Ш. Насруллаев (43).

Четлатиш: С. Шукуруллаев (иккинчи огоҳлантириш, 88).