"Динамо" тайёргарликни Самарқандда давом эттирмоқда

Кунига икки маҳалдан машғулотлар олиб борилмоқда. Самарқанддаги йиғин 18 июлгача давом этади. Ушбу йиғин сўнггида "Динамо" биринчи лига вакили "Шердор" билан назорат учрашувини ўтказиб биринчи босқичини якунлайди. 20 июлдан йиғин Тошкентда давом эттирилади.
 
Бугун жамоа навбатдаги машғулотларни олиб борди. Жамоани йиғинида дарвозабон Андрей Мельничук иштирок этмаяпти. Хабарларга кўра жамоанинг Тошкентдаги йиғиндан бошлаб Темур Жўраев келиб қўшилади. Хозирда жамоага Владимир Киликевич қайтди, лекин жамоада қолиши ёки қолмаслиги маълум эмас. Ундан ташқари асосий таркибдан Алмал Холмуродов ҳам "Динамо" билан бирга эмас. 

Жамоага янги келиб қўшилганларга тўхталадиган бўлсак, хозирча жамоани машғулотларида Азамат Абдуллаев ("Қизилқум"), Обид Жўрабоев ("Шўртан"), Дилшод Жабборов ("Регистон") иштирок этмоқда. 

Юқорида айтиб ўтганимиздек 18 июль куни "Шердор"га қарши бўлиб ўтадиган назорат учрашувидан сўнг таркибда бир қанча ўзгаришлар бўлиши кутилмоқда.  Таркибдаги деярли асосий ўзгаришларнинг барчаси Тошкентдаги йиғинда амалга оширилади. Ҳозирча бир неча футболчилар билан музокаралар олиб борилмоқда. 

Эслатиб ўтамиз "Динамо" Тошкентда 23 июль куни "Пахтакор"га ва яна битта назорат учрашуви ўтказиш белгиланган.