«Динамо» - «Нефтчи» учрашувида ифторлик тарқатилиб, намоз ўқиш учун шароит яратилади. Ашаддий мухлисларни 14-секторга таклиф қилинади
06 мая 2021 15:08
Новости

«Динамо» - «Нефтчи» учрашувида ифторлик тарқатилиб, намоз ўқиш учун шароит яратилади. Ашаддий мухлисларни 14-секторга таклиф қилинади

Бугун, 6 май куни Про лига 6-тури доирасида мавсумнинг энг муҳим ўйинларидан бири «Динамо» - «Нефтчи» баҳси ўтказилади.

Ҳаво ҳарорати ёмғирдан кейин салқин бўлса-да, Рамазон ойида аксарият футболчилар ва мухлислар рўзадор эканлиги муносабати билан «Динамо» стадионида ўтадиган бугунги ўйин аввалдан белгиланганидек соат 18:50да бошланади. Биринчи бўлимдан кейин рўзадорларнинг рўзасини очиши инобатга олинган.

Аввалги ўйинларгидек бу сафар ҳам самарқандлик савобталаб ва жонкуяр мухлислар томонидан рўзадор мухлислар учун ифторликка Оби Зам-зам, араб хурмоси, егулик тарқатилади. Фарғонадан Самарқандга келаётган меҳмон жамоа мухлислари учун ҳам ифторлик тайёрлаб қўйилган.

Шунингдек, бир қатор фахрий мухлисларнинг талаб ва истаклари инобатга олган ҳолда аввалги ўйинларда бўлгани каби «Динамо» - «Нефтчи» учрашуви 1-бўлимидан кейин ўйингоҳда намозхонлар учун Шом намозини адо этишлари учун 15-секторнинг орқа томонида шароит яратилади.

Учрашувга ташриф буюринг ва жуда муҳим баҳсда жамоамизни қўллаб-қувватланг! Энг ашаддий мухлисларни 14-секторга таклиф қиламиз.

Ссылка :

Источник : fcdinamo.uz

Получайте новости прямо в Telegram!

Рейтинг: +13