"Динамо" футболчилари қийин аҳволда. Клуб уларга 4 ойлик маошни бермаяпти
15 янв 2020 21:50
Новости

"Динамо" футболчилари қийин аҳволда. Клуб уларга 4 ойлик маошни бермаяпти

Самарқанднинг "Динамо" клуби 2019 йилда Суперлигада сўнгги ўринни эгаллаб, қуйи лигага тушиб кетди.

Самарқандликлар янги мавсумга 10 январь куни тайёргарликни бошлашлари режалаштирилган эди. Бироқ 15 январь ортда қолди ҳамки, жамоа йиғилгани йўқ. Фақат маҳаллий футболчилар ўз спорт формаларини ушлаб туриш мақсадида югуриб туришибди.

Ўтган мавсум "Динамо"да ўйнаган бир қатор футболчиларнинг сайтимизга маълум қилишича, клуб ўйинчиларга охирги 4 ойлик маошларини бермаган. Баъзи футболчилар "Динамо" билан шартномани бекор қилишни сўраб ПФЛга мурожаат қилишган.

Бир неча кун олдин клуб менежери Илҳом Шарипов сайтимизга интервью бериб 15 январь куни раҳбарият билан учрашиб, жамоанинг келажагига аниқлик киритилиши ҳақида айтганди.