«Динамо» - «Бухоро» ўйинида «Сирож Самарқанд сен билан» хайрия акцияси ўтказилади
13 апр 2017 12:58
Новости

«Динамо» - «Бухоро» ўйинида «Сирож Самарқанд сен билан» хайрия акцияси ўтказилади

«Динамо» клуби собиқ футболчиси 35 ёшли Сирожиддин Сайфиев саратон (Рак) касаллигига чалингани эълон қилингач, айни вақтда уни қўллаб-қувватлаш учун #ТаслимБўлмаСирож акцияси эълон қилинган.

Самарқанд футболи тарбияланувчисини қўллаб-қувватлаш мақсадида «Динамо» ҳам ушбу акцияга қўшилган. Жамоамиз 5-тур доирасидаги «Қўқон-1912» - «Динамо» учрашувида «#БизСенБиланСирож» ёзувли футболкаларда майдонга тушган эди.

15 апрель, шанба куни 6-тур доирасидаги «Динамо» - «Бухоро» ўйинида ҳам «Динамо» стадионида «Сирож Самарқанд сен билан» хайрия акцияси ўтказилади. Шу куни ўйингоҳ дарвозаси олдида қутилар ташкил этилиб, мухлислардан тушган пул «Динамо» собиқ футболчисига етказилади.

Футболчилик фаолияти давомида самарқандлик минглаб мухлисларни ўз ўйинлари билан хурсанд этган Сирожиддин Сайфиевнинг бугунги тақдири «Динамо» жамоасининг ҳеч бир ишқибозини беэътибор қолдирмаслигига ишонамиз.

Сирож, Самарқанд сен билан!

Ссылка :

Источник : fcdinamo.uz

Получайте новости прямо в Telegram!

Рейтинг: +12