"Динамо" 3 нафар футболчи билан шартнома тузди
24 янв 2022 19:51
Новости

"Динамо" 3 нафар футболчи билан шартнома тузди

Теги : "Динамо"Жасур Умаров Жасур Жумаев Тўлқин Эргашев

Самарқанд клуби Суперлига янги мавсуми олдидан селекция ишларини давом эттирмоқда.

"Клуб мураббийлар штаби таклифига кўра, жамоага яна уч футболчи келиб қўшилди.

"Насаф"дан ҳимоячи Жасур Жумаев "Динамо"га ўтди. 2021 йилги мавсумни "Насаф" U-21 жамоасида ўтказган 22 ёшли ҳимоячи "Динамо" билан бир йиллик шартнома имзолади.

Таркибга қўшилган яна бир футболчи АГМК клубидан Жасурбек Умаров бўлди. 23 ёшли ярим ҳимоячи билан бир йиллик шартнома имзоланди. Умаров сўнгги уч мавсум давомида Олмалиқ клубида Суперлигада жами 27 ўйинда майдонга тушиб, 2 та гол муаллифига айланган.

Шунингдек, "Динамо"га "Металлург"дан Тўлқин Эргашев келиб қўшилди. 21 ёшли ярим ҳимоячи ўтган мавсум давомида "Металлург" сафида Суперлигада 4 ўйинда қайдномадан ўрин олган бўлса, U-21 жамоасида 11 та баҳсда майдонга тушган. Иккинчи даврани эса "Янгиер" сафида Про лигада ўтказиб, 9 та ўйинда майдонга тушган", – дейилади клуб матбуот хизмати берган хабарда.

Ссылка :

Источник : "Динамо" матбуот хизмати

Получайте новости прямо в Telegram!

Рейтинг: +7