Дилявер Ваниев: "Агапов қисқа фурсат ичида чемпионат тўпурлари рўйхатидан ўрин олди"

- Ўйин ҳақида 

- Бугунги ўйинда жуда кўплаб вазиятлар яратдик. Шундай экан, нега мағлубият ёки дуранг ҳақида ўйлашимиз керак? Голли вазиятларни кўпроқ юзага келтирдикми, демак ғалабага ҳақли эдик. Ўйиннинг якуни ҳам биз истагандек жамоамизнинг ғалабаси билан якунланди. 

Бугунги ўйин ҳар икки жамоа учун жуда оғир ўтди. Гарчи ўйин охирида гол киритиб ғалабага эришган бўлсак ҳам майдонда ҳақиқий кураш кечди. Муҳим ғалабани қўлга киритдик ва олға интилишда давом этамиз.

- "Машъал" дарвозасига белгиланган пенальти ҳақида фикрингиз қандай?

- Ҳакам ўша вазиятда пенальти белгиладими, демак шунга яраша асоси бўлган. Мен ҳакамларнинг хатоларини муҳокама қилмоқчи эмасман.

- Микола Агапов икки ўйиндан буён гол ура олмаяпти. Бунга нима сабаб бўлган деб ўйлайсиз?

- Агапов ўтган турда "Шўртан" дарвозасига пенальтидан гол ура олмади. Биз ундаги холатни ўрганиб чиқиб руҳий муммоси бор эканини сездик. Унинг юртида айни вақтда тинчлик эмас, ФИФА трансферларга рухсат бергани туфайли Агапов ҳозир шу ерда. Бунақа вазиятдан уйдан узоқда юриш осон эмас, унга оғир эканини барчамиз тушуниб турибмиз. Шундай бўлса ҳам у профессионаллик намойиш этаяпти, қисқа фурсат ичида чемпионат тўпурарлари қаторидан ўрин олди.