Диего Коста Луис Суарес ярамас деб атади

"Мен ўйнамаганимда, Суарес гол урмади (Луис олдинги 3та турда гол урмаган эди). Мен қайтганимда эса бу ярамас дубль қайд этиб турибди!

Умид қиламанки, у шу руҳда давом этади. Мен жуда ҳам мамнунман, сабаби қанча кўп гол урилса, "Атлетико" учун шунча яхши бўлади.

Биз ғалаба қозонишда давом этамиз ва бир-биримизни ҳурмат қилган ҳолда рақобатлашамиз. У ўйнади ва 2та гол урди, кейин мен пайдо бўлдим ва мен ҳам ўз ҳисобимга гол ёзиб қўйдим. Агар биз катта муваффақиятни кўзлаган бўлсак, айнан шундай бўлиши керак.

"Атлетико" Ла Лигани ютганида ҳам шундай бўлган эди: бир ўйинчи кетдими, унинг ўрнига захирадан тушгани ҳам шу савияда бўлганди. Бу ажойиб жамоа эди.

Мен жангчиман, мен ғолибман. Мен қаттиқ меҳнат билан "Атлетико"га қайта олдим, бу жуда ҳам қийин бўлди. Катта ютуқларни орзу қилмайдиган одамда яшаш учун мазмун йўқ.

Бизда ғалабага курашиш учун барча нарса бор", - дейди Коста.