Деярли 7 йиллик танаффусдан сўнг олий лигада бир ўйинда 9та гол урилди
14 сен 2014 10:49
Новости

Деярли 7 йиллик танаффусдан сўнг олий лигада бир ўйинда 9та гол урилди

Олий лиганинг 19-туридан ўрин олган "Сўғдиёна" - "Навбаҳор" учрашувида футболда кам учрайдиган натижа қайд этилди.

Шу куни Зоминдаги стадионга келган томошабинлар жами 9та голнинг гувоҳига айланишди. Якунда "Сўғдиёна" 5:4 ҳисобида зафар қучди.

Сўнгги бор олий лигада бир учрашувда 9та гол урилиш ҳолати 2007 йилда кузатилган экан. Ўша мавсумнинг 27-турида (25 ноябрь) "Пахтакор" Зарафшонда "Қизилқум"ни 11:0 ҳисобида таслим қилганди.

Шундай қилиб, 6 йил, 9 ой ва 18 кундан сўнг Ўзбекистон миллий чемпионатида битта ўйинда 9та гол урилди.

Маълумот учун, "Сўғдиёна" клуби сўнгги марта 2011 йил битта учрашувда рақиб дарвозасига 5та гол урган. Ўша йилнинг 15 октябрь санасида Жиззахда "Олмалиқ" мағлуб этилганди - 5:2. Деярли 3 йиллик танаффусдан сўнг Жиззах клуби бир ўйинда 5та тўп киритишга муваффақ бўлди.

Ссылка :

Источник : championat.asia

Получайте новости прямо в Telegram!

Рейтинг: