Даврон Ҳошимов: "Нафт"га қарши ўйин қийин кечишини билардик"

"Бугунги ўйин қийин бўлишини билардик. Рақибни жиддий тарзда ўрганиб чиққан эдик. "Нафт" футболчилари стандартлардан жуда хавфли эканлигини бугун ҳам амалда исботлади", - дейди Даврон Ҳошимов.

- Бугунги об-ҳаво ўйинга қанчалик таъсир кўрсатди?
- Об-ҳаво у қадар қийинчилик туғдирмади. Аммо рақиб бизга жиддий қаршилик кўрсатди ва ўйин оғир кечди.

- Иккинчи бўлим бошида бир киши кам бўлиб қолдинглар. Шунда ҳавотир бўлмадими?
- Албатта барчада ҳавотир бўлади. Аммо сардоримиз Кахи Махарадзе барчамизни ўзимизга келиб олишимизни таъминлади. Барчамиз бир-биримизни қўллаб-қувватладик.

- Рақиб ҳақида қандай фикрдасиз?
- "Нафт" кучли жамоа эканини билардик. Уларнинг ўйинларини деярли ҳар куни кўриб чиққандик. Рақибимизнинг плей-оффдаги "Ал Жайиш"га қарши учрашувини томоша қилиб кучли ва кучсиз томонларини ўрганиб чиққандик.

- Бугун ўз ўйингизни неччига баҳолайсиз?
- Ўзимнинг ўйинимни 4 баҳога лойиқ деб биламан.


Хайрулла Холиқов суҳбатлашди