Даврон Файзиев: “Сўғдиёна” йирик мағлубиятга лойиқ эмас эди"
08 мар 2017 19:55
Новости

Даврон Файзиев: “Сўғдиёна” йирик мағлубиятга лойиқ эмас эди"

Олий лига 2-туридан жой олган “Локомотив” — “Сўғдиёна” жамоалари баҳсидан (3:0) сўнг меҳмонлар бош мураббийи Даврон Файзиев журналистларни қизиқтирган саволларга жавоб берди.

"Барча хотин-қизларни байрам билан табриклайман. Ўйин қизиқарли бўлди. "Локомотив" осонлик билан ғалаба қозонмоқчи эканлиги кўриниб турганди, биз баҳсга жиддий тайёргарлик кўрдик. Бугун жамоам йирик ҳисобдаги мағлубиятга лойиқ эмасди. Биринчи голдан кейин йигитларда руҳий синиш кузатилди. Мавсумни вице-чемпион ва чемпионга қарши ўтказиш оғир албатта. Энди ўз майдонимиздаги очилиш ўйинига тайёргарлик кўришимиз керак.

Пенальти? Ҳакам ҳуштак чалдими демак пенальти бор экан. Ҳакам ҳеч қачон қарорини ўзгартирмайди.

Бу йилги вазифамиз ўтган мавсумдаги натижамиздан юқори ўринни олиш. Яъни энг камида 10-ўринни эгаллаш. Ўтган йилги таркибдан 3 киши қолди, деярли янги жамоа туздик. Кейинги турларда "Олмалиқ" ва "Насаф" билан ўйнаймиз. Алмаштириб бўлмайдиган футболчи йўқ, уларни ўрнини тўлдира оламиз. Фақат вақт керак бўлади.

Бугун одамни хурсанд қилган жиҳат бу йигитларимда ўйиндан олдин таслим бўлиш ҳолати юз бермади.

Нега жамоа футболчилар билан 2-3 йиллик шартнома таклиф қилмайди? Футболчиларга 2 йиллик шартнома таклиф қилсам уларда ишонч йўқ. Баъзида хатто футболчилар 6 ойга шартнома тузайлик дейди. Қайсидир ўйинчини чақирсам биринчи саволи қанча пул берасиз дейди. Ўсишни ўйламайди фақат пулни ўйлайди, - дейди Файзиев.

Ссылка :

Источник : championat.asia

Получайте новости прямо в Telegram!

Рейтинг: +9