Даврон Файзиев: "Рақиб ким бўлишидан қатъий назар ғалаба учун майдонга тушамиз"
26 авг 2015 22:35
Новости

Даврон Файзиев: "Рақиб ким бўлишидан қатъий назар ғалаба учун майдонга тушамиз"

"Металлург" - "Сўғдиёна" (1:2) учрашувидан кейинги матбуот анжуманида биринчи бўлиб Даврон Файзиев иштирок этди.

"Бизда вазиятлардан фойдаланиш фоизи жуда ҳам тушиб кетган. Бугун ҳам жуда кўплаб вазиятлар яратдик, аммо гол уришга келганида оқсадик. Ўзбекистонда Юрий Саркисян ва Рустам Мирсодиқовнинг хиссаси жуда катта. Биз ҳар бир ўйинга охирги жангга тушгандек тушамиз. Рақиб ким бўлишидан қатъий назар ғалаба учун ўйнаймиз. "Локомотив"дан қабул қилинган йирик мағлубиятдан сўнг йигитлар ўзига келиб олишди ва иккита учрашувда ғолиб бўлишди. Ҳозирча мақсадга эришдик дея олмаймиз.

Қисқа танаффусдан унумли фойдаланишга уринамиз. "Металлург" кетма-кет ўйинларда ютқазмоқда. Шу боис бугун уларда ҳам ортга йўл йўқлигини билардик.

Биринчи гол урган жамоа устунликка эришарди. Ўтган йилги таркибдан 13 нафар футболчи йўқ. Футболда кимдир ютади, кимдир ютқазади. Ички имкониятлардан келиб чиққан ҳолда таркибга янги футболчиларни чақирдик, барчаси молияга бориб тақалади. Балки бугун "Металлург" бизни бироз менсимагандир, буни билмайман", - дейди Даврон Файзиев.

Ссылка :

Источник : championat.asia

Получайте новости прямо в Telegram!

Рейтинг: +3