Coca Cola Суперлига. Бугун "Металлург" ўз уйида "Бухоро" билан ўйнайди, "Локомотив" Навоийда меҳмон

МЕТАЛЛУРГ – БУХОРО
23 октябрь 2020 йил. Бекобод. "Металлург" стадиони. 16:00
Ҳакамлар: Олим Тўйчибоев, Тимур Галеев, Бахтиёрхўжа Шавкатов, Аҳмаджон Эргашев
Назоратчи: Дмитрий Роман
Комиссар: Шерзод Ражабов

"Металлург" сўнгги 5та турда ҳеч кимга ютқазмади - 2та ғалаба, 3та дуранг. "Бухоро" эса 8та турдан буён ғалаба қозона олмаяпти - 4та дуранг, 4та мағлубият.

Бу жамоалар ҳозирга қадар Ўзбекистон чемпионатида 45 марта тўқнаш келишган. 21 бор "Металлург", 18 марта "Бухоро" ғолиб бўлган. Қолган 6та ўйинда дуранг қайд этилган.

Ўзаро ўйинларда Бекобод клуби 63та гол урган, Бухоро клуби эса 59та гол урган.

Охиги ўзаро тўртта ўйинда "Бухоро" бу жамоани мағлуб эта олмаган - 1та дуранг, 3та мағлубият. Сўнгги бор "Металлург" 2018 йилги мавсумда бу жамоага ютқазганди.

Биринчи даврада "Металлург" сафарда "Бухоро" устидан 4:1 ҳисобида ғалабага эришганди.

ҚИЗИЛҚУМ – ЛОКОМОТИВ
23 октябрь 2020 йил. Навоий. "Ёшлар" стадиони. 18:00
Ҳакамлар: Илгиз Танташев, Маҳмуд Турдиев, Феруз Достонов, Комил Расулов
Назоратчи: Бахтиёр Намозов
Комиссар: Сардор Қудратуллаев

"Қизилқум" мезбон бўлган охирги 5та ўйинда жамоа умуман ютқазмади - 3та ғалаба, 2та дуранг. "Локомотив" эса сўнгги 6та турда фақат бир марта мағлуб бўлди, қолган ўйинларда 4та ғалаба ва 1та дуранг қайд этди.

Бу жамоалар ҳозирга қадар Ўзбекистон чемпионатида 31та ўзаро ўйин ўтказишган. 18 марта "темирйўлчилар", 7 марта навоийликлар ғолиб бўлишган. Қолган олти учрашувда дуранг қайд этилган. Сўнгги бор "Қизилқум" бу жамоани 2013 йилги мавсумда мағлуб этган. Шундан кейин ўтган кетма-кет 13та баҳсда "Локомотив" Навоий клубига ютқазмай келмоқда.

"Қизилқум" ўз майдонида ўтган охирги 6та ўйинда бу жамоани умуман юта олмаган - 1та дуранг, 5та мағлубият.

Биринчи даврада Тошкентда ўтган баҳсда "Локомотив" 3:0 ҳисобида ғалаба қозонганди.