Чирчиқ футбол фестивалига мезбонлик қилди

Мазкур фармонда белгиланган вазифалар ижросини таъминлаш мақсадида Ўзбекистон футбол ассоциацияси Ўзбекистон халқ таълими вазирлиги билан ҳамкорликда болалар, ўсмирлар ҳамда ёшлар ўртасида футболни янада оммалаштириш юзасидан бир қатор диққатга сазовор ишлар олиб бориляпти. Жумладан, Жиззах, Сирдарё, Фарғона водийси вилоятларида футбол фестиваллари уюштирилди. Шу йилнинг 14 декабрь куни эса ушбу тадбир Тошкент вилоятида давом  эттирилди.

Ўз ўрнида Тошкент вилояти футбол ассоциацияси ходимлари (вице-президент Асқар Жадигеров) тадбирни юқори савияда ўтказиш учун ҳар томонлама муносиб ҳозирлик кўришди. Чирчиқ шаҳридаги Ўзбекистон давлат жисмоний тарбия ва спорт университети спорт саройида ўтган футбол фестивалида вилоятнинг барча туман ва шаҳарларидаги умумтаълим мактабларида мавжуд футбол тўгаракларида шуғулланаётган ёш футболчилар қатнашди.

 Футбол фестивалининг асосий мақсади - болалар ва ўсмирларни футбол билан шуғулланишга қизиқишини янада ошириш, ҳаваскор футболни оммавийлаштириш, қолаверса, умумтаълим мактабларида фаолият олиб бораётган футбол тўгараклари ишини яхшилашга қаратилган. Бугунги фестивалда ёш футболчилар ўз кўргазмали чиқишларини намойиш қилишди. 

Тадбирда ЎФА биринчи вице-президенти Равшан Эрматов, шунингдек ЎФА мутахассислари Маъмур Саидқосимов ва Бахтиёр Шириновлар иштирок этди. Якунда ёш футболчиларга спорт либослари ва коптоклар совға қилинди.