Черчесов: “Бугун-эрта шартнома масаласини ҳал қиламиз”
27 июл 2018 08:55
Новости

Черчесов: “Бугун-эрта шартнома масаласини ҳал қиламиз”

Россия терма жамоаси бош мураббийи Станислав Черчесов РФИ билан тузиладиган янги шартнома ҳақида гапирди.

“Ўйлашимча, яқин кунларда федерация билан янги шартнома борасида келишувга эришамиз. Олдимизда Миллатлар лигаси, Европа чемпионати сингари катта мусобақалар бор. Бу турнирларда ҳам ўз кучимизни намойиш этишимиз лозим. Албатта, кутилмаган “қоқилиш”лар бўлиши табиий. Аммо ҳаракат қилишдан тўхтамаслик лозим. Бошқа жамоалар билан музокара олиб борганим йўқ. Фақат РФИ билан алоқадамиз. Бу менинг услубим”, дея вазиятга ойдинлик киритди Черчесов.

Россия терма жамоаси Черчесов қўл остида ЖЧ-2018 чорак финалига қадар етиб борди. Мураббийнинг амалдаги шартномаси августда ниҳоясига етади.

Илгарироқ Черчесовнинг РФИ билан тузадиган янги шартномасида ойлик маоши йилига турли бонуслар билан 3 миллиоен еврони ташкил этиши ҳақида хабарлар тарқатилганди.

Ссылка :

Источник : ТАСС

Получайте новости прямо в Telegram!

Рейтинг: +6