Чемпионлар тақдирланди
22 ноя 2020 10:10
Новости

Чемпионлар тақдирланди

Теги : Наманган 2007

Футбол маҳорат мактаблари ўртасида ўтказилган “Профессионал мактаблар лигаси”да Наманган вилоят футбол маҳорат мактабининг 2007 йилда туғилган тарбияланувчилари биринчи ўринни қўлга киритишганди..

“Навбаҳор” – “Сурхон" жамоалари ўртасидаги учрашувдан сўнг ёш футболчиларни тақдирлаш маросими ўтказилди.

Унда Наманган вилоят ҳокими Шавкатжон Абдураззоқов, Ўзбекистон миллий терма жамоаси сардори Одил Аҳмедов, шунингдек, “Навбаҳор” ПФК раҳбарияти, Отабек ва Ойбек Саматов, ота-оналари, мухлислар иштирок этишди.

Тақдирлаш маросимида Наманган вилоят ҳокими Шавкатжон Абдураззоқов сўз олиб, ёш чемпионларни зафар билан табриклаб, бундан кейинги мусобақаларда ҳам вилоятимиз шарафини муносиб ҳимоя қилишларини тилади.

Шундан сўнг, ёш футболчиларга медаллари ҳамда “Навбаҳор” клуби томонидан тақдим этилган телевизорларни Шавкатжон Абдураззоқов, терма жамоамиз сардори Одил Аҳмедов, Отабек ҳамда Ойбек Саматовлар топширишди.

Жамоа устозлари - Раҳимжон Бозоров ва Ўткир Эргашевлар ҳам тақдирланишди.