"Челси"нинг 58 млн фунтга сотиб олинган ярим ҳимоячиси мавсум охирига қадар сафдан чиқди

"Челси" клуби ярим ҳимоячиси Ромео Лавия жароҳати сабаб қолган мавсумни ўтказиб юборади. Бу ҳақда "Челси" клуби расман маълум қилди. Маълумот учун, "Челси" Лавияни "Саутгемптон"дан 53+5 млн фунт эвазига сотиб олганди.

"Ярим ҳимоячи Ромео Лавия, афсуски, мавсумнинг қолган қисмини ўтказиб юборади.

Яқинда ўтказилган текширувлардан сўнг, "Кристал Пэлас"га қарши ўйинда Лавия сонидан жиддий жароҳат олгани аниқ бўлди ва мавсумнинг қолган қисмида у майдонга туша олмайди", -дейилади "Челси" берган баёнотда.

Эслатиб ўтамиз, Ромео Лавия Лондон клубига ўтганидан сўнг фақатгина 32 дақиқа майдонга ҳаракат қилди.