"Челси"ни тарк этиб хато қилибман" — Сарри

"Лацио" бош мураббийи Маурицио Сарри 4 йил олдин "Челси"дан кетганини хато эди деб ҳисоблайди.

"Ювентус"да улар мендан Чемпионлар Лигасида ғалаба қозонишимни талаб қилишди, раҳбариятнинг топшириғи аниқ эди. Мен скудеттони энг яхши йиллари ўтмишда бўлган жамоа билан қўлга киритишга муваффақ бўлдим. Раҳбарият ўйин услубини ўзгартирмоқчи эди, аммо уларда қатъият етишмади.

Фақат шуни айтишим мумкинки, мен "Челси"ни тарк этиб хато қилдим. Италияга қайтиш мен томондан нотўғри қарор бўлди", – деди мутахассис.

Сарри "Ювентус"га ўтишдан олдин 2018 йилдан 2019 йилгача "Челси"ни бошқарган. Мутахассис "Лацио"да 2021 йилдан буён ишлаб келмоқда.