"Челси" швециялик ҳужумчини сотиб олмоқчи

"Спортинг"нинг швециялик ҳужумчиси "Челси"нинг қишки трансфердаги мақсадларидан бири бўлиб турибди. Бу ҳақда "Evening Standard" нашри хабар бермоқда.

Виктор Дьокереш жорий мавсум Европа футболининг кашфиётларидан бири бўлиб,  у ўзининг майдондаги ажойиб ўйинлари билан бутун қитъа эътиборини тортди (18 та ўйинда 15 та гол ва 7 та голли узатма).

"Челси"нинг қизиқишини ҳисобга олсак, ёш ҳужумчининг келажаги "Спортинг"дан ташқарида бўлиши мумкин.

25 ёшли форварднинг Лиссабон клуби билан келишуви 2028 йилнинг 30 июнига қадар амал қилади.

Нуфузли Тransfermarkt портали футболчини 32 миллион еврога баҳоламоқда.