"Челси" Саррини истеъфога чиқаради ва унинг ўрнига клуб афсонасини олиб келади
21 мая 2019 12:28
Новости

"Челси" Саррини истеъфога чиқаради ва унинг ўрнига клуб афсонасини олиб келади

"Дерби Каунти" бош мураббийи Фрэнк Лэмпард "Челси"га бош мураббий бўлади деб хабар бермоқда италиялик журналист Жанлука Ди Марцио.

Маурицио Сарри Европа Лигаси финалидаги натижадан қатъий назар истеъфога чиқарилади. Олдинроқ хабар берилганидек, "Челси" хўжайини Роман Абрамович Сарридан мухлисларнинг кўнгли тўлмаётганлиги сабабли уни истеъфога чиқармоқчи. Лэмпарднинг таклиф этилиши эса мухлисларни хурсанд қилиши мумкин.

Жамоа афсонаси лондонликлар таркибида 2001 йилдан 2014 йилгача ҳаракат қилган. "Кўклар" сафида 648та ўйин ўтказиб 211та гол уришга эришган. Шунингдек, "Челси" билан учта АПЛ чемпионлиги ва Чемпионлар Лигаси ғолиблигини қўлга киритган.

Лэмпард ўтган йилнинг май ойида "Дерби Каунти"ни қабул қилиб олган ва АПЛ да иштирок этиш учун плей-офф баҳсларига йўлланма ола билган эди.

Ссылка :

Источник : gianlucadimarzio.com

Получайте новости прямо в Telegram!

Рейтинг: +24