"Челси" Бундеслига юлдузи билан шахсий келишувга эришди
30 сен 2022 11:34
Новости

"Челси" Бундеслига юлдузи билан шахсий келишувга эришди

"Челси" "Лейпциг" ҳужумчиси Кристофер Нкунку билан келажакдаги трансфер шартларини келишиб олди.

Франциялик футболчи ўтган мавсумдаги муваффақиятли ўйинларидан сўнг Европа грандлари орасида талаш бўлди, аммо бу жараён узоққа чўзилмади, чунки 24 ёшли форвард "Лейпциг" билан шартномасини 2026 йилгача узайтирди.

Нуфузли инсайдер Николо Скиранинг сўзларига кўра, Нкунку трансфери келаси ёзда амалга ошиши эҳтимоли юқори: "Челси" келишув устида фаол ишламоқда, футболчининг ўзи эса аллақачон трансферга рози бўлган.

Transfermarkt экспертлари Нкункунинг нархини 80 миллион еврога баҳолашмоқда. Жорий мавсумда футболчи 11 та ўйинда 6 та гол урди ва 1 та голли узатмани амалга оширди.

Ссылка :

Источник : twitter.com/NicoSchira

Получайте новости прямо в Telegram!

Рейтинг: +1