"Челси" 6-ўринга чиқиб олди

Англия чемпиони деган номга энг кўп сазовор бўлган жамоа бу "Манчестер Юнайтед" ҳисобланади. "Қизил иблислар" жами 20 бор Англияда тенгсиз бўлишган.
"Ливерпуль" бу кўрсаткич бўйича иккинчи ўринда бормоқда. Мерсисайдликлар МЮдан битта чемпионлик кам, яъни 19 маротаба олтин медалларга сазовор бўлишган.

Учинчи поғонада "Арсенал" кетмоқда. "Канонирлар" Англияда 13 марта чемпионлик таъмини татиб кўришга муваффақ бўлишган.

Тўртинчи ўринда бораётган "Эвертон"да 9та, бешинчи поғонадаги "Астон Вилла"да эса 7та олтин медал мавжуд.

"Сандерленд" шу кунга қадар 6 маротаба чемпионликни қўлга киритиб, бу орада мос равишда 6-поғонада бораётганди. "Челси" жорий мавсумда олтин медалларни қўлга киритиш борасида "Сандерленд"га етиб олди ва эндиликда бу икки жамоа 6-ўринни бўлишиб туришибди.