"ChaCha Мустақиллик кубоги-2018". "Odil Junior" - чемпион!
19 авг 2018 16:03
Новости

"ChaCha Мустақиллик кубоги-2018". "Odil Junior" - чемпион!

Теги : Болалар футболи ChaCha Мустақиллик кубоги

2007 йилда туғилган футболчилар ўртасида "ChaCha Мустақиллик кубоги-2018" мусобақасининг ғолиби маълум бўлди.

Кеча ўтказилган ҳал қилувчи финал учрашувида "Odil Junior" ўз рақиби "Спартак"ни 4:1 ҳисобида мағлуб этиб, 2007 йилда туғилган футболчилар ўртасида "ChaCha Мустақиллик кубоги-2018" ғолиби бўлди.

Ўйинда "Спартак" футболчилари ҳисобни очишди ва биринчи тайм 1:0 ҳисобида "Спартак" фойдасига ҳал бўлди. Танаффусдан кейин эса "Odil Junior" тарбияланувчилари рақиб дарвозасига тўртта гол уришга эришишди. Шундай қилиб "Odil Junior" ушбу мусобақа ғолибига айланди.

Ўйин якунига етгач, ғолиб ва совриндорларни тақдирлаш маросими ўтказилди. Бунда кубок ва медаллардан ташқари мусобақа ҳомийлари "ChaCha" ва "Tudor" савдо белгилари ҳам ўз совғаларини болажонларга топширишди.

Бугун кечки пайт мазкур мусобақанинг 2006 йилда туғилган футболчилар учун финал баҳси бўлиб ўтади. Бунда "Odil Junior" футболчилари "Пахтакор" тарбияланувчиларига қарши баҳс олиб боради.