"ChaCha Мустақиллик кубоги"-2018. Бугун финал

"ChaCha" савдо белгиси остида бўлиб ўтаётган мусобақанинг финал баҳсида "Odil Junior" "Спартак" жамоасига қарши баҳс олиб боради. Ўйин 18:00да бошланади.

Кеча бўлиб ўтган ярим финал учрашувида "Odil Junior" "Бунёдкор"га қарши майдонга тушиб, 2:1 ҳисобида зафар қучди. "Спартак" эса "Косонсой"ни 1:0 ҳисобида мағлуб этди. Натижада ҳар иккала ярим финал ўйинида мағлуб бўлган жамоалар бугун 3-ўрин учун учрашувда ўзаро куч синашишди. "Бунёдкор" ва "Косонсой" футболчилари ўртасида кечган баҳсда ёш "қалдирғочлар" 2:1 ҳисобида ғалаба қозонишди.

Мусобақа регламентига кўра, 3-ўрин учун кечган баҳсдан сўнг тақдирлаш маросими ўтказилди. Бунда ҳар иккала жамоа футболчиларига бир хил медаллар ва кубок топширилди. Тақдирлаш маросимида "Odil Junior" болалар футбол мактаби таклифига биноан Тошкентга ташриф буюрган Италиянинг "Карпи" футбол клуби қошидаги болалар академияси мураббийлари - Якопо Киарамони билан Адриано Чесарини ҳам иштирок этишди.

Айтиб ўтганимиздек, бугун кечки пайт 2007 йилда туғилган футболчилар ўртасидаги мусобақанинг ҳал қилувчи финал баҳси ўтказилади. Ўйиндан кейин одатга кўра жамоаларни тантанали тақдирлаш маросими бўлиб ўтади.

"ChaCha Мустақиллик кубоги"-2018. 2007 йилда туғилганлар

1/2 финал. 17 август
"Спартак"-"Косонсой" 1:0
"Odil Junior" -"Бунёдкор" 2:1

3-ўрин учун баҳс. 18 август
"Бунёдкор" - "Косонсой" 2:1

Финал. 18 август
"Odil Junior" - "Спартак"