"Бухоро" 3 футболчи билан шартнома имзолади
04 июл 2018 15:39
Новости

"Бухоро" 3 футболчи билан шартнома имзолади

Янги мавсумга тайёргарликни Тошкентда олиб бораётган "Бухоро" жамоаси 8 июльда "Пахтакор" билан беллашади.

"Бухоро" Тошкентдаги йиғини чоғида жамоа сафига янги келиб қўшилган, кўрикда бўлган футболчиларнинг уч нафари билан шартнома имзолади. Булар: "Нурафшон" жамоаси (Про-Лига)да тўп сурган ярим ҳимоячи Равшанов Элбек, 1-даврада АГМК жамоасида ўз фаолиятини олиб борган, қолаверса 2016 йилларда "Бухоро"да тўп тепган ҳужумчи молдавиялик Вадим Чемиртан ва АГМКнинг яна бир вакили ҳимоячи Қахрамон Баҳодировлардир.

"Уларнинг "Бухоро" сафидаги фаолиятларига омад тилаб, яхши натижаларни қўлга киритишларида тилакдошмиз", - дейилади клуб матбуот хизмати берган хабарда.

Эслатиб ўтамиз Суперлига 16-туридан ўрин олган "Пахтакор" - "Бухоро" учрашуви 8-июльда бўлиб ўтади.

"Бухоро" ПФК матбуот хизмати