“Бунёдкор”нинг Ўзбекистон кубоги-2013даги статистикаси
26 сен 2013 12:36
Новости

“Бунёдкор”нинг Ўзбекистон кубоги-2013даги статистикаси

Кеча 2013 йилги Ўзбекистон кубоги баҳсларига якун ясалди.

Ҳал қилувчи баҳсда Қаршининг “Насаф” ва Тошкентнинг “Бунёдкор” жамоалари куч синашишиб, унда “қалдирғочлар” Олександр Пишурнинг дубли эвазига ғалаба қозонди.

“Бунёдкор” жамоаси 2013 йилги мамлакат кубоги доирасида жами бешта учрашув ўтказди. Чорак финалдан баҳсларга қўшилган жамоамиз ушбу босқичда биринчи лига пешқадами “Машъал” жамоасини икки учрашув натижасига кўра ортда қолдирди – Тошкентда 1:1, Муборакда 2:0. Ярим финалда эса Тошкент темирйўлчилари билан жуда оғир ўйин ўтди. “Жар”да 2:2 ҳисобидаги жангавор дуранг қайд этган “қалдирғочлар” рақиб майдонида Пишурнинг узоқ масофалардан киритган икки голи эвазига ғалаба қозонди – 2:0.

Юқоридаги барча учрашувларда тўлиқ ҳаракат қилиш икки нафар футболчимизга насиб этди. Булар – Акмал Шораҳмедов ва Хайрулла Каримов. Шунингдек, Олександр Пишур, Лутфулла Тўраев ва Жавлон Иброхимов гарчи тўлиқ бўлмаса-да, ҳамма ўйинларда майдонга тушишган.

Олександр Пишур рақиблари дарвозасини жами беш бор ишғол қилиб, клубнинг кубок доирасидаги энг яхши тўпурари бўлди.

Қуйидаги жадвалда “Бунёдкор”нинг Ўзбекистон кубоги-2013даги статистикаси билан танишишингиз мумкин.

№	Футболчи	Ў	Дақ.	О	Ч	Г
1	Акмал Шораҳмедов	5	450	-	-	-
2	Хайрулла Каримов	5	450	3	-	-
3	Олександр Пишур	5	448	1	-	5
4	Лутфулла Тўраев	5	426	-	-	-
5	Жавлон Иброхимов	5	361	2	-	-
6	Артём Филипосян	4	360	1	-	-
7	Жасур Ҳасанов	4	340	-	-	-
8	Анвар Ғофуров	4	295	1	-	-
9	Марко Блажич	5	287	-	-	-
10	Олег Зотеев	4	273	-	-	2
11	Муроджон Зухуров	3	270	-	-	-2
12	Игорь Таран	4	218	-	-	1
13	Саҳоб Жўраев	3	184	1	-	-
14	Игнатий Нестеров	2	180	-	-	-2
15	Сардор Рашидов	3	130	-	-	-
16	Дилшод Жўраев	2	94	-	-	-
17	Анвар Бердиев	2	65	-	-	-
18	Баҳодир Пардаев	1	53	-	-	1
19	Алибобо Раҳматуллаев	3	44	-	-	-
20	Фозил Мусаев	1	20	-	-	-