“Бунёдкор” Мочинов ва Курлаев билан хайрлашди

Қайд этиш керакки, айнан Александр Мочинов ва Анатолий Курлаев бошқарувида “Бунёдкор” ёшлар жамоаси сезиларли ўсишга эришди. Айнан ушбу мутахассислар билан ўринбосарларимиз 2013 йил якунларига кўра Ўзбекистон ёшлар лигаси ғолиблигини қўлга киритишди. Шунингдек, мавсумолди йиғинлар мобайнида ёш “қалдирғочлар” назорат учрашувларида ўз рақибларини кетма-кет йирик ҳисобларда мағлубиятга учратиб келаётган эди.

Яқинда Александр Мочинов ва Анатолий Курлаев “Бунёдкор” ФК рахбариятига мурожаат этиб, ўз кучларини каттароқ футболчилар билан синаб кўрмоқчи эканликларини билдиришди. Мураббийлар тандемига пойтахтнинг “Оқ-тепа” жамоасидан таклиф тушди. Энди улар “Оқ-тепа” клубини олий лигага олиб чиқиш учун бор кучларини ишга солишади.

“Бунёдкор” ФК рахбарияти Александр Мочинов ва Анатолий Курлаевнинг жамоамизда олиб борган хизматларига миннатдорчилик билдиради ва уларнинг келгуси фаолиятига омадлар тилайди.