RU

Последние новости

11:48"Ал Иттиҳод"нинг асосий трансфер мақсади аниқ: Клуб АПЛ юлдузи учун 120 млн евро тўламоқчи  0 11:20Гарначо: "Финалгача ҳар босқичда майдонга тушдим, жамоага ёрдам бердим ва бу ўйинда 20 дақиқа ўйнадим..."  2 10:58Варди фаолиятини АПЛнинг бошқа жамоасида давом эттириши мумкин  1 10:31МЮ барча даврларнинг антирекордини такрорлади  5 10:05Сон Хён Мин илк совринини қўлга киритганидан сўнг йиғлаб юборди  8 09:37Расман: “Барселона“ Флик билан шартномани узайтирди  2 09:08Ангелос Постекоглу: “Мен ҳали ҳам нима бўлганини тушунишга ҳаракат қиляпман“  8 08:40Sofascore. “Ал Фейҳа“ мағлуб бўлди, Шукуров эса  2 08:12Аморим кечаги мағлубиятдан сўнг нималар деди?  13 07:45Sofascore. Финални энг ёмон ўйинчиси ким бўлди?  5 07:17Европа лигаси. Финалнинг учрашувнинг "man of the match"и маълум  13 01:59"Тоттенхэм" "Манчестер Юнайтед"ни мағлуб қилиб, Европа лигасида ғолиб чиқди! Энди лондонликларда ҳам соврин бор!  98 01:58"Сирдарё ФА" бош мураббийи Аббос Махсталиев: "Мақсадимиз – академия ёшларига имконият бериш"  7 00:44"Локомотив" "Бунёдкор"ни мағлуб қилса ҳам гуруҳда қолиб кетган ўйиндан ГАЛЕРЕЯ  0 00:37Саудия Арабистони. "Ал Насср" ғалаба қозонди, Роналду 935-голини урди  11

“Бунёдкор-Б”дан навбатдаги ғалабалар серияси Новости

“Бунёдкор-Б”дан навбатдаги ғалабалар серияси

7 июнь куни футбол клублари тарбияланувчилари ўртасида Тошкент шаҳар биринчилигининг иккинчи тур ўйинлари бўлиб ўтди. Унда “Бунёдкор-Б” ўз уйида “ТошCити”ни қабул қилди. Ушбу қарама-қаршиликда томонларнинг 5та ёш тоифасидаги жамоалари ўзаро беллашишди.

2003 йил. 6:1 (4:1)
Куннинг дастлабки беллашувида энг кичик ёш тоифасидаги футболчилар тўқнашувининг гувоҳи бўлдик. Жамоалар мураббийларнинг ўйин давомида тинимсиз бериб борган кўрсатмалари асносида ҳаракат қилишди. Биринчи бўлиб дарвозани ишғол қилиш, мезбонларга насиб этди. 18-дақиқада Толиб Ўсаров жамоасини ҳисобда олдинга олиб чиққан бўлса, кейинроқ ҳимоячи Хусан Мўминов ўзини кўрсатишга муваффақ бўлди – 2:0. Орадан икки дақиқа ўтар-ўтмас Абдуллох Ҳикматов дублни ўз номига расмийлаштириб қўйди. Биринчи таймнинг сўнгги дақиқаларида меҳмонлардан Олим Абдувоҳобов ҳисобни қисқартиришга эришди – 4:1. Иккинчи бўлимни ҳам “қалдирғочлар” фаол бошлашди. Натижада, Маҳмуд Муҳамаджонов рақиб посбонини икки марта ранжитиб, умумий ҳисоб 6:1 бўлишини таъминлади.

2002 йил. 6:0 (5:0)
Навбатдаги баҳсда 2002 йилда таваллуд топган тарбияланувчилар майдонда саф тортишди. Бу ўйин ҳам мезбонларнинг устунлиги остида ўтди. Дастлабки 45 дақиқаликда Акмал Рисқуллаев шогирдлари “Таш Cити” дарвозасига жавобсиз 5 та тўп киритишди. Гол муаллифлари Абдуллох Абдуллажонов, Фаррух Ҳожибеков, Шоислом Шобаҳриев бир мартадан учрашув қайдномасига номларини ёздириб қўйган бўлишса, Икром Эркинов дублга эришди. Жамоанинг оҳирги голига Ҳуршид Убайдуллаев муаллифлик қилди – 6:0.

2001 йил 3:1 (3:0)
14 ёшли футболчилар анча тартибли ўйин намойиш этишди. Томонлар майдонда ҳар бир қарич ер учун кураш олиб боришди ва беллашув муросасиз ўтишини таъминладилар. Учрашувда ҳисобни очиш мезбонларга насиб этди. Биринчи гол муаллифи Собир Норбоев. Орадан 6 дақиқа ўтиб, Солижон Тўхтасинов фарқни иккитага оширди. Биринчи тайм охирларига келиб, Собир Норбоев жамоасининг йирик ҳисобда танаффусга йўл олишига сабабчи бўлди – 3:0.
Иккинчи 45 дақиқаликда меҳмонлар жонланиб қолишди. Ҳатто “ТошCити” бир марта “Бунёдкор-Б” дарвозасини “ўққа” тутиб, мезбонларни майдон марказидан тўпни ўйинга киритиб беришга мажбур қилди – 3:1. Аммо бу гол ғалаба у ёқда турсин, дурангга ҳам камлик қилди.

2000 йил. 3:2 (2:2)
Шу кунги баҳслар ичида энг томошабоп ва қизиқарлиси айнан 2000 йилги болалар тўқнашуви бўлди, десак адашмаган бўламиз. Чунки мазкур рақиблар бир-бирларига етарлича қаршилик кўрсата олишди. Буни ҳисобдан ҳам билиб олса бўлади. Учрашувда биринчи бўлиб мезбонлардан Равшан Хусанов ўзини кўрсатишга эришди – 1:0. Орадан 10 дақиқа ўтгач Шерзод Нарзуллаев жамоаси мувозанатни тиклади. Бу гол меҳмонларга руҳий устунликни тақдим этди. Натижада, Сухроб Қодиров жамосини ҳисобда олдинга олиб чиқди – 1:2. Воқеалар ривожи бундай тус олишини кутмаган “қалдирғочлар” катта куч билан олдинга ўтишди. Кетма-кет ташкил этилган ҳужумлар 28-дақиқада самара келтирди. Вазият қаҳрамони Жавлон Анваржонов. Ўйинда дарвозани сўнгги марта ишғол қилиш ҳам Равшан Хусановга насиб этди. Шу тариқа “Бунёдкор-Б” рақибини 3:2 ҳисоби билан мағлуб этди.

1999-98 йил 2:0 (2:0)
Шу кунги баҳслар ичида энг сокин ўтган ўйин, деб мана шу ёшдагилар тўқнашувини айтишимиз мумкин. Томонлар учрашув давомида эҳтиёткорликка интилишди. Ҳужумлар ташкил этишда ҳам олдиндан ўйланган режа асосида ҳаракат қилишди. Лекин Азиз Ҳошимов шогирдлари рақибига нисбатан фаолроқ бўлганликлари учун гол киритишни уддалашди. Ушбу муваффақиятга 19-дақиқада Муҳаммадамин Умиджонов эришди. Мезбонларнинг кейинги хурсандчиликлари ҳам узоқ кутилгани йўқ. Яъни, орадан 8 дақиқа ўтиб Жавоҳир Мусажонов беллашувдаги ҳал қилувчи тўпни дарвозага жойлаб қўйди – 2:0.

Шу тариқа, “Бунёдкор-Б” 2-тур доирасидаги барча ўйинларни ўз фойдасига ҳал қилди. Мезбонлар “ТошCити” жамоалари дарвозасини 20 марта ишғол қилган бўлишса, ўз постларидан 4та тўп олиб чиқишди.

Рейтинг:    

Комментарии

championat.asia
< посмотреть последние новости
Яндекс.Метрика