Бугун Хиросима-94 чемпионлари болаларга қувонч улашадилар
31 мая 2016 11:17
Новости

Бугун Хиросима-94 чемпионлари болаларга қувонч улашадилар

Хабарингиз бор, бугун "Ўзбекистон" спорт мажмуасида "1 июнь - халқаро болаларни ҳимоя қилиш куни" ва "Соғлом она ва бола" йили муносабати билан катта тадбир бўлиб ўтади.

31 май куни соат 15:00да бошланадиган тадбирда, Тошкент шаҳри маҳаллаларида тўп тепаётган, 2006 йилда таваллуд топган келажакнинг чарм тўп усталари ўртасидаги мусобақанинг финал ўйини бўлиб ўтади.

Шундан сўнг, Ўзбекистон маданият ва спорт ишлари вазирлиги ҳамкорлигида ташкил этилаётган тадбирнинг иккинчи қисмига старт берилади. Унда Азамат Абдураимов сардорлигидаги Хиросимада бўлиб ўтган Осиё ўйинлари ғолиблари, Ўзбекистон ифтиҳори - Равшан Эрматовнинг жамоасига қарши шоу ўйинида баҳс олиб борадилар.

Шу куни эл суйган санъаткорлар, "1 июнь - халқаро болаларни ҳимоя қилиш куни" муносабати билан, Ўзбекистон футбол академияларида тахсил олаётган ёшларни ўз қўшиқлари билан қувонтирадилар.

Барчангизни мазкур тадбирга таклиф этамиз.

Ссылка :

Источник : championat.asia

Получайте новости прямо в Telegram!

Рейтинг: +3